Piratepartei Lëtzebuerg

Reboot Luxembourg!

Patenter op DNA musse verbuede sinn a bleiwen!

D'Piratepartei weist sech schockéiert iwwert déi rezent Publikatioun vum Procureur Pedro Cruz Villalón um Europäesche Geriichtshaff dee Patenter op DNA als grondsätzlech matt den europäesche Valeuren an Aklang gesäit. "Fir eis, déi zanter 2009 fir eng Reform vum Patentrecht kämpfen, wier esou eng Decisioun vum europäesche Geriichtshaff wéi d'Opmaache vun der Béchs vun der Pandora" sou de René Schmit, Präsidiumsmember vun der Piratepartei. D'Biotechnologie Direktiv (98/44/EC) huet net ëmsoss enk Grenze gesat wat ee wéini patentéiere kann, et ass elo net um Europäesche ... Patenter op DNA musse verbuede sinn a bleiwen! weiderliesen

D’Piratepartei huet kee Versteesdemech fir déi nei “Kannergeldsteier”

D’Piratepartei huet kee Versteesdemech fir de läschte Virstouss vun der Regierung a Saache Kannergeld. Net nëmmen ass elo schonns ugekënnegt, datt d’Kannergeld soll norméiert ginn, zousätzlech dozou soll elo och nach all Steierzueler matt enger Zousazsteier vun 0,5 % belaascht ginn. D’Piratepartei freet sech wéini dës Antisozial Mesurë vun der Blo-Rout-Grénger Regierung ophale sollen? “Dës nei Steier ass fir Famillje matt Kanner, déi de Réckgrat vum Generatiounekontrakt duerstellen, eng indirekt Kierzung vun de Familljenzoulagen.” sou den Andy Maar, Gesellschaftspolitesche Spriecher vun der Piratepartei.
No de Kierzunge vun de Studiebäihëllefen, der viraussiichtlecher Kierzung vum Kannergeld fir Famillje matt méi wéi engem Kand, soll elo och nach eng Kéier jidderengem eenzel an d’Täsch gegraff ginn. D’Piratepartei weist sech dofir och erstaunt datt dës Mesure elo virun all Spuermesure ugekënnegt gëtt, ëmmerhin haten déi dräi Koalitiounsparteie virun de Wahle versprach, Steiererhéijungen nëmmen als läschte Mëttel unzegesinn. “Et freet ee sech, wat e Wahlprogramm nach wäert ass, wa Koalitiounsparteie souguer bei deckungsgläichen Aussoen herno de Contraire maachen?” sou den Andy Maar weider.
D’Piratepartei fuerdert vun der Regierung endlech d’Kaarten op den Dësch ze leeën an de Bierger ze soe wat d’Pond Kiischte kaschte wäert! “Mir, a sécherlech och vill Bierger, sinn dës Salamitaktik vu Blo-Rout-Gréng midd. Wann se Transparenz priedegen, da solle si se och liewen!” seet den Andy Maar ofschléissend.
Fir et all interesséiertem Bierger z’erméiglechen, séier an onkomplizéiert seng zukünfteg Zousazkäschten ze berechnen, huet d’Piratepartei ënnert http://kannergeld.piraten.lu eng Rechemaschinn zur Verfügung gestallt.

ITM verletzt hir Missioun, Piratepartei fuerdert Konsequenzen

D’Piratepartei gouf vun engem Personaldelegéierten doriwwer informéiert, datt d’ITM an enger rezenter Veranstaltung („Rights and Responsabilities of the Staff Delegates“) zesumme mat der American Chambre of Commerce (AMCHAM) hir eege Missioun verletzt huet. Als Erënnerung, der ITM hir Missioun ass „contribuer au bien-être durable des salariés“. An der genannter Veranstaltung ass et awer ëm villes gaangen mä net ëm de Bien-Être du Salariéë. weiderliesen


Vertrau kengem Walspot – informéier Dech!