Médico-Datenleck: Justizminister Biltgen lässt wichtige Fragen offen

In einer Pressekonferenz äußerte sich Justizminister Biltgen, stellvertretend für den betroffenen Sportminister Schneider, zum Datenleck in der Médico Datenbank. Minister Biltgen spricht von einer Anzeige gegen den "erfindungsreichen Hacker", der ein einfaches Passwort benutzt hat um Zugang zu einer Datenbank zu erlangen und "Diebstahl" ohne überhaupt bestätigen zu können, dass Daten kopiert oder veröffentlicht wurden [1].

SOPA & PIPA: Das Internet streikt und die Piraten schließen sich an

Am 18. Januar werden viele Webseiten freiwillig streiken [1], um auf die Gefahren durch SOPA (Stop Online Piracy Act) und PIPA (PROTECT-IP Act) hinzuweisen. Die vorgeschlagenen Gesetzestexte schränken die Meinungsfreiheit ein, haben negative wirtschaftliche Auswirkungen und rufen erhebliche Sicherheitsbedenken hervor.
Die Teilnahme an der Onlinedemonstration wurde unter anderem durch Wikipedia [2], Reddit, Mozilla und die Free Software Foundation bestätigt. Auch Google, Facebook und Twitter haben die vorgeschlagenen Gesetze kritisiert [3].

Videoiwwerwaachung verhënnert (mol erëm) keng Strofdot!

Haut huet d'Police en Video verëffentlecht, deen en Iwwerfall ob der Zuchstreck Stad Lëtzebuerg - Rodange vum 14. Dezember 2011 weist. D'Verëffentlechung beleet esouwuel d'Sënnlosegkeet vu Kameraen als Precautiounsmoossnam wéi och d'Schwieregkeet mat virhandenem Videomaterial Verbriecher ze identifizéieren. D'Piraten erhoffen sech eng besser Preventiounspolitik fir dass d'Mëttel vun esou enger ëffentlecher Fahndung net zum Alldag gëtt.

6 Joer Vorratsdatespäicherung - Pirate lueden zu Mahnwach de 14. Dezember virum Parlament

2005 huet dat lëtzebuergescht an d'EU Parlament fir d'Vorratsdatespäicherung gestëmmt. Domadder ginn d'Verbindungs- a Lokaliséierungsdonnéeë vum Handy, Telefon an Internet vun alle Bierger fir 6 Méint gespäichert, ouni Verdacht ob eng Strofdot. Zum 6-järege Joresdag vun der Ofstëmmung zur Vorratsdatespäicherung de 14. Dezember trëfft sech d'Piratepartei ab 13h00 virum Parlament fir d'Deputéiert dorunner ze erënneren, dass d'Recht ob Privatsphär an d'Onscholdsvermuddung fundamental Grondrechter sinn.

Flugpassagéierdatenofkommes EU-USA geleaked - europäesch Passagéier dem Datenaustausch schutzlos ausgeliwwert

Nodeems dat Europäescht Parlament méi Dateschutz beim geplangten Datenaustauschofkomme mat den USA gefuerdert hat, huet d'Europäesch Kommissioun en neie Virschlag am Geheimen ausgehandelt. D'Initiativ NoPNR huet elo den aktuellen Text verëffentlecht [1] an d'Befierchtunge bestätegen sech: privat Donnéeë vu Passagéier ginn ouni Verdacht op Vorrat gespäichert an ouni Méiglechkeet sech rechtlech zur Wier ze setzen an d'USA iwwermëttelt.

D'Pirate grënne Bezierk Norden

D'Piratepartei Lëtzebuerg lued de 26. November ab 14h30 op d'Grënnung vum Bezierksverband "Norden" an de Café Kaell zu Waarken. Nieft der Wahl vun engem Bezierkskomitee gëtt iwwert d'Opstellung vum Bezierk diskutéiert, fir d'Regioun op d'Wahlen 2014 virzebereeden.

Spillproduzent mëssbraucht Kopéierschutz als Spyware

Scho méi laang schränke Spillproduzenten d'Verbraucherrechter vun de Clienten am Numm vum Kampf géint illegal Kopien an. Electronic Arts (EA), Hiersteller vum Spill "Battlefield 3" geet elo sou wäit, dass perséinlech Donnéeë vun de Clienten ofgefrot ginn ouni explizit dorobber hinzeweisen. D'Piratepartei Lëtzebuerg kritiséiert dëst Verhalen an fuerdert d'Verbidde vun alle Kopéierschutzmoossnamen an d'Anhale vun den Dateschutzrechter.

D’VISUPOL-Etude weist dat grujelegt Gesiicht vun der onwierksamer Videoiwwerwaachung

D’Piratepartei Lëtzebuerg ass net iwwerrascht, an der Visupol-Studie dat ze liesen, wat se schon zënter Joeren erklärt: Déi vermeintlech Sécherheetsvirdeeler vum Kameraiwwerwaachungsprojet VISUPOL si Sand an den Aen; d’Kameraen drécken déi sozial Problemer nëmmen an aner Quartieren.

De VISUPOL-Projet ass als Ganze gescheitert, wéi de politesch verantwortleche Minister Halsdorf mat dëser Etude Schwaarz op Wäiss ze gesi kritt. Laut der Etude sinn d’Verbriechen op Bouneweg an an de Garer Quartier ofgewandert, amplaz datt se verhënnert gi sinn.

Piratenpartei und Politikercheck machen Chamber transparent mit Depuwatch.lu!

Ab dem 21. September 2011 werden die Piratenpartei und Politikercheck unter der Webseite Depuwatch.lu das Abstimmungsverhalten aller Abgeordneter und weitere Daten aus der Chamber seit 2004 veröffentlichen.

Depuwatch.lu stellt das Stimmverhalten der Abgeordneten seit 2004 in übersichtlicher Form und mit weitreichenden Statistiken dar. Neben den Stimmvergaben werden u.a. die Präsenz bei Abstimmungen und die Anzahl der Delegationen angezeigt. Depuwatch ist außerdem, im Gegensatz zu der offiziellen Seite, barrierefrei zu benutzen.

Méi Biergerbedeelegung bei Grouss- a Laangzäitprojeten!

D'Piratepartei kritiséiert d'Virgoe vum Sportminister Schneider an dem Réiser Buergermeeschter Tom Jungen am Dossier Léiwenger Fussballstadion a fuerdert allgemeng méi Biergerbedeelegung bei alle Grouss- a Laangzäitprojeten.

Oppene Bréif vun der Piratepartei un den Inneminister Halsdorf wéinst geplangter elektronescher Carte d'Identité

D'Piratepartei weist sech besuergt iwwert ee schonns am Oktober 2008 virgeluechte Projet de Loi, deen eng elektronesch Carte d'Identité am Grand-Duché aféiere soll [1]. D'Pirate schécken dowéinst folgende Bréif un den Initiator vum Projet, den Inneminister Jean-Marie Halsdorf.

Reesender ënner Pauschalverdacht - EU-Kommissioun fuerdert 15 Joer fir Passagéierdonnéeën

D'Piratepartei hält un hirer Kritik um geplangtene Späichere vun Fluchpassagéierdonnéeën duerch d'USA, Australien a Kanada fest. Den Entworf fir en Ofkommes iwwert den Austausch vun Donnéeë vu Fluchpassagéier tëscht der Europäescher Unioun an den USA ass fir d'Piratepartei net mat de Grondrechter vereinbar. D'Pirate fuerderen d'Europäescht Parlament op, fir d'Bäibehale vun de Biergerrechter ze stemmen an den Entworf vum Ofkommes net ze aktzeptéieren.

Elo gesäit et och de Buergermeeschter Helminger an: präventiven Notze vun der Videoiwwerwaachung "gläich Null"!

Virun zwou Wochen huet sech d'Positioun vun der Piratepartei bestätegt, dass d'Videoiwwerwaachung op der Stater Gare zur Kriminalitéitsbekämpfung net ze gebrauchen ass [1]. Elo huet och missten de Paul Helminger, Buergermeeschter vun der Gemeng Lëtzebuerg, araumen, dass de präventiven Notze vun de Kameraen op der Kinnekswiss "gläich Null" ass [2]. D'Piratepartei fuerdert dowéinst de Stopp vum "Visupol"-Projet an der Kameraiwwerwaachung a Lëtzebuerg.

Pilotprojet gescheitert - Videoiwwerwaachung verhënnert keng Strofdoten!

De 26. Mee huet déi lëtzebuergesch Police ugekënnegt, wéinst dem Bäihuele vu Gewaltverbriechen am an hondrem di haaptstädtesch Gare hir Präsenz ze verstäerken [1]. D'Piratepartei erënnert dorunner, dass dës Moossnamen och opgrond vum Feelverhale vum Inneminister Halsdorf noutwenneg gi sinn, dee säit 2008 Videoiwwerwaachung fälschlecherweis zur Kriminalitéitsbekämpfung asetzt.

Piratepartei ënnerstëtzt Demo fir méi Rechter fir Behënnerter

D'Piratepartei Lëtzebuerg ënnerstëtzt de Protestmarsch "Gleiche Bürger, Gleiche Rechte, Gleiche Stimmen!" de 5. Mee, organiséiert vum behënnerungsiwwergräifendem Veräin "Nëmme Mat Eis!" [1]. Mat dëser Demonstratioun mëscht d'Organisatioun dorobber opmierksam, dass Lëtzebuerg ee vun deene wéinegen europäesche Länner ass, déi d'UN-Behënnerterechtskonventioun nach net ratifizéiert huet.

Zum 26. Abrëll, Dag vum "geeschtege Besetz": "Et gëtt kee geeschtege Besetz, Herr Krecké!"

Zum "Dag vum geeschtege Besetz" erënnert d'Piratepartei dorunner, dass weder de Begrëff "geeschtege Besetz", nach déi aktuell Gesetzleslag vum Urheber-, Patent- a Markerecht nach zäitgeméiss sinn. Déi vun der Regierung organiséierten Evenementer weisen, dass de Wirtschaftsministère nach ëmmer net an der Realitéit ukomm ass a verstanen huet, dass Gedanken an Iddie kengem gehéiere kennen a Wëssen a Kultur gedeelt, kopéiert a verbreet gehéiert.

Befierchtunge bestätegen sech: EU-Bierger bei Swift-Accord bedrunn

D'Piratepartei huet virum Swift-Ofkommes gewarnt [1], mä weder den Inneminister Halsdorf, nach d'Europadeputéiert wollten héieren: d'Bankdatenaustausch-Ofkommes vun der EU mat den USA gouf den 8. Juli 2010 ugeholl. Elo stellt sech eraus: wei befiercht ginn massiv Bankdonnéeë vun europäesche Bierger un d'USA weider geleet, ouni Verdacht an vill ze klengem Dateschutz. D'Piratepartei fuerdert den Inneminister Halsdorf an Justizminister Biltgen op hire Feeler direkt ze behiewen an op europäescher Ebenen en Aussetze vum Ofkommes ze forcéieren.

Pirate Parties International Konferenz in Friedrichshafen 12. bis 13. März 2011

Am 12. und 13. März 2011 werden sich Vertretern von 19 Piratenparteien aus aller Welt in Friedrichshafen, Deutschland, treffen um die Generalversammlung der Pirate Parties International (PPI), der Dachorganisation der Piratenparteien, abzuhalten. Neben dem offiziellen Teil der Konferenz mit Mitgliedsbewerbungen, Satzungsänderungen und Vorstandswahlen wird in einem zweitägigen Open Space Seminar über die Piratenbewegung diskutiert werden und Rick Falkvinge, Gründer und ehemaliger Vorsitzender der Piratenpartei Schweden wird einen Vortrag halten.

D'Piratepartei start Aktiounssäit géint d'Vollekszielung 2011

D'Piratepartei Lëtzebuerg kritiséiert d'Vollekszielung 2011 déi den 1. Februar ufänkt als een déiwen Agrëff an d'Privatsphär vun de Bewunner zu Lëtzebuerg a veruerteelt d'Verletzung vum Prinzip vun der informationeller Eegebestemmung an de Risque fir den Dateschutz. D'Piratepartei informéiert vum 28 Januar 2011 un op der Websäit http://zensus11.piraten.lu iwwert déi dësjähreg Vollekszielung, beäntwert déi wichtegst Froen a weist Méiglechkeeten op sech géint Ofgi vu perséinlechen Donnéeën ënnert dem Undréie vun enger Geldstrof ze wieren.

Piratepartei kritiséiert wirtschaftlech enk Kooperatioun mat Algerien an Tunesien trotz Mënscherechtsverstéiss

De lëtzebuerger Wirtschafts- an Außenhandelsminister Jeannot Krecké huet seng geplangte Wirtschaftsrees (9. bis 12. Januar) a Tunesien kuerzfristeg ofgesot [1]. Domadder reagéiert hien op déi aktuell geféierlech Situatioun a Tunesien. A Tunesien, wei och am Moment an Algerien gi Protester vun der Bevëlkerung brutal vun der Staatsgewalt zréckgedrängt. D'Piratepartei Lëtzebuerg fuerdert vun der lëtzebuergescher Regierung vir ugemiessen op dës Verletzung vun de Mënscherechter ze reagéieren.

D'Pirateparteie veruerteelen d'Attaquen géint Mataarbechter vu Whistleblower Plattform "Wikileaks"

An enger gemeinsamer Declaratioun mat anere Pirateparteie veruerteelt d'Piratepartei Lëtzebuerg haut vehement all Attaque op Wikileaks-Infrastrukturen an nach méi d'Attaquen op Wikileaks-Mataarbechter, déi vu Wikileaks schon am Mäerz [1] an dës Woch erëm vum Julian Assange[2] bericht goufen.

Pirateparteie spigele Wikileaks fir Whistleblower weltwäit ze ënnerstëtzen

Pirateparteien aus der ganzer Welt, dorënner och d'Piratepartei Lëtzebuerg, hunn haut nach eng Kéier hir Ënnerstëtzung fir sougenannte Whistle-Blowing Plattforme bestäerkt. Besuergt ëm d'Informatiouns-, Meenungs- an Pressefräiheet hunn d'Piraten an enger Gemeinschaftsaktioun dofir gesuergt, dass Wikileaks op internationaler a puer Mol gespigelter Infrastruktur accessibel bleift. D'Spigelunge wäerten dofir suergen, dass d'Verëffentlechunge vun de diplomateschen Depeschen aus de Vereenegte Staaten weider gefouert ka ginn, an déi bishereg Verëffentlechungen online bleiwen.

Läschen amplaz Sperren! Piratepartei begréisst d'Entscheedung vum Justizminister a Saache Kannerpornographie am Internet

Bei engem Treffen de 25. Oktober 2010 mat der Mme Leutheusser-Schnarrenberger, Justizministerin an der Bundesrepublik Däitschland, huet de Justizminister François Biltgen erklärt, dass hien sech fir eng „Läschen amplaz Sperren“-Léisung a Saache Kannerpornographie asetze wäert[1]. D'Piratepartei begréisst dës Entscheedung a fuerdert de Justizminister op, dës Astellung beim Treffe vun de Justiz- an Inneministeren den 3. Dezember 2010 mat allen Mëttelen ze verdeedegen.

Jean-Marie Halsdorf verlängert Videoiwwerwaachung op gutt Gléck

Haut de Moien huet de J.M. Halsdorf d´Videoiwwerwaachung an der Stad Lëtzebuerg ëm ee Joer verlängert [1]. Den Inneminister „gleeft“ un de präventiven Effekt vun der Videoiwwerwaachung obwuel d´Ausmoosse „schwéier anzeschätzen“ oder „quantifizeierbar“ wieren. D´Piratepartei Lëtzebuerg rifft den Inneminister op endlech zur Vernonft ze kommen an seng Entscheedungen net wéinst sengem perséinleche Glawen ze huelen, mais op Basis vu wëssenschaftlechen Erkenntnisser.

Piratepartei rifft zum Ënnerschreiwe vu Petitioun géint europäesch Netzsperren op

Ufank 2010 huet EU-Kommissärin fir Inneres, Cecilia Malmström, eng Direktiv zur „Bekämpfung vu sexueller Ausbeutung vu Kanner an Kannerpornografie“ virgestallt. Dës schreift ënner anerem eng Aféierung vun Netzsperren op nationalem Plang vir. Nodeems vill EU-Deputéiert, Aktiounsbündnisser an Opferverbän déi nei Pläng fir Netzsperren hefteg kritiséiert hunn, rifft och d´Piratepartei Lëtzebuerg op eng EU-wäit Petitioun ze ënnerstëtzen.

Piratepartei warnt virun de Risike vun der Plattform "e-santé"

Den 3. September huet den Regierungsrot d´Entwécklung vun der nationaler Plattform „e-santé“ zum Austausch vu medizinesche Patienten-Date beschloss [1]. Trotz dem Virdeeler vun sou engem System warnt Piratepartei Lëtzebuerg virun engem méigleche Mëssbrauch a gesäit Privatsphär vun de Patienten an déi ärztlech Schweigepflicht a Gefor.

Piratenpartei warnt vor neuem SWIFT Abkommen

Am 8. Juli wird das Europaparlament über die neue Fassung des so genannten SWIFT Abkommens abstimmen [1]. Hatten die Abgeordneten vor vier Monaten noch gegen die massenweise Übergabe privater Bankdaten an die USA gestimmt scheint die Gegenwehr für die Abstimmung am Donnerstag zu bröckeln, und das obwohl die aktuelle Fassung des SWIFT Abkommens noch immer gravierende Einschnitte in die Privatsphäre der Bürger der EU vorsieht.

Piratepartei kritiséiert dem Utopolis seng „Handy-Asammel-Aktioun

De Kinobedreiwer Utopolis huet um Méinden Owend bei der Premiere vum Film „A-Team“ GSMe vun de Kinobesicher agefuerdert. Piratepartei Lëtzebuerg kritiséiert dëst iwwerdriwwent Verhalen als weidere Versuch Rechter vun de Konsumenten ënnert dem Deckmantel vun engem veraalten Urheberrecht ze beanträchtegen.

Piratepartei warnt virum Gallo-Bericht

En Densten den 1. Juni wäert den Rechtsausschoss vum Europäesche Parlament iwwert de sougenannte „Gallo-Bericht“ ofstëmmen. Den Entworf vun engem Beschloss vum EU Parlament soll dat weidert Virgoen an der EU bei Verletzunge vum „geeschtege Besetz“ virginn. D´Piratepartei Lëtzebuerg erkennt an dem Entworf d´Festhale vun engem onzäitgeméisse Verständnis vum „geeschtegem Besetz“ a fuerdert d´Membere vum Rechtsauschoss op géint dësen Entworf ze stemmen.

ACTA Entworf verëffentlecht: Befiirchtunge bleiwe bestoen!

De Mëttwoch 21. Abrëll 2010 gouf vir déi éischte Kéier een offiziellen Entworf vum bis elo geheim gehaalenen Anti-Counterfeiting Trade Agreement (ACTA) verëffentlecht. ACTA riicht sech offiziell géint Piraterie vu Produiten, et enthält awer och Virschrëften, di Rechter vun Internetbenotzer, och zu Lëtzebuerg, enorm aschränke wäert.

Cactus.lu gehackt- perséinlech Date vun de Cactus-Klientskaarte geklaut?

De Samschden den Owend gouf Cactus-Websäit gehackt. Dëse Weekend war Säit cactus.lu net ze ereeschen. Nodeems ee Sécherheetslag bei de Cactus-Klientskaarte bekannt gi war, ass de Verdacht rëm opkomm, dass Onberechtegter Zougrëff op perséinlech Date vun de Cactus Clienteën haten.

Nach Urteil des Bundesverfassungsgerichts zur Vorratsdatenspeicherung fordert Piratenpartei Umdenken bei luxemburgischer Politik

Nachdem schon das rumänische Verfassungsgericht die Vorratsdatenspeicherung (VDS) als verfassungswidrig erklärt hat [1], hat am 2. März 2010 auch das deutsche Verfassungsgericht die deutsche Umsetzung der EU-Richtlinie 2006/24/EG als nichtig erklärt [2]. Nach Protesten in Österreich [3] und der Ablehnung der VDS von den Schweden [4] fordert die Piratenpartei auch in Luxemburg zum Umdenken auf.

Geheim ACTA Verhandlunge gi weider: Entscheedung ouni Matwierke vun demokratesch gewielte Vertrieder

Vum 26. Bis 29. Januar treffen sech Vertrieder vun 39 Staaten zu Guadalajara, Mexiko vir sech iwwert den Anti-Counterfeiting Trade Agreement (ACTA) ze beroden [3,4]. Erklärt Ziel vun dësem Ofkommes ass et géint Produitsfälschung an Urheberrechtsverletzungen am Internet virzegoen. Allerdéngs schéissen d´Participanten iwwert Ziel eraus a bereeden am Geheimen ee Vertrag vir, deen d´Meenungsfräiheet a Privatsphär vu Millioune vu Mënschen a grousse Mooss verletze wäert.

Piratenpartei kritiséiert Verhandlungswee an Inhalt vom SWIFT Ofkommen

D´Piratepartei Lëtzebuerg weist sech schockéiert iwwert déi ondemokratesch an ontransparent Methode mat deenen de SWIFT-Ofkommes tëscht der EU an den USA verabschid gouf. Et ass inakzeptabel, dass d´USA Zougrëff op europäesch Kontosbewegunge kréien, ouni erkennbare Sécherheetsgewënn vir di europäesch Bierger.

Piratepartei Lëtzebuerg: géint den Datenausverkaaf bei Quelle

D´Piratepartei Lëtzebuerg mëssbellegt d´Verhale vum Insolvenzverwalter bei Quelle, deen déi iwwer 8 Millioune Clientsdonneen, ënner deenen sech och Datesätz vu lëtzebuergesche Clientë befannen, un Drëtt weider verkafe well. Ënnert de gespäicherten Donnéeë befannen sech nieft dem Numm, Uschrëft a Gebuertsjoer och Kontosnummeren an Angaben zur Bezuelmoral.

Piratepartei Lëtzebuerg begréisst Projet chamber.lu

D´Piratepartei Lëtzebuerg begréisst de Virstouss vun der Fraktioun „déi gréng“ vir der Chamber zu méi Transparenz ze hëllefen. Mir wëllen awer umierken, dass dëst nëmmen de éischte Schrëtt zu engem méi transparente Staat dierf sinn an dass Chamber dës Inhalter selwer ëffentlech maache sollt. Gläichzäiteg bedauere mir, dass dës Aktioun net schon éischter realiséiert gouf, obwuel d´Domain „chamber.lu“ schon säit 2003 am Besetz vun der Fraktioun „déi gréng“ war.