Piratepartei Lëtzebuerg

Reboot Luxembourg!

Partei

Partei | CC BY Piratenpartei Deutschland (Flickr)

D’Piratepartei Lëtzebuerg gouf de 4.Oktober 2009 zu Lëtzebuerg vu 14 Interesséierte gegrënnt an ass bis Haut op iwwer 200 Membere gewuess.

D’Piratepartei lieft Basis-Demokratie; schonns virun der Grënnung konnt jidderee matschaffen an och haut kann all Member Ännerunge fir Programm a Statuten abréngen. Och net-Membere kënnen aktiv Inhalter erstellen, änneren, matdiskutéieren a kritiséieren.

D’Pirate sinn eng Beweegung mat internationalem Hannergrond. Mir schaffe mat all eise Schwësterparteien zesumme fir net nëmmen op lokalem an nationalem Plang eppes ze areechen, mä europa- a weltwäit eppes ze änneren. Ons vereenegt een neit Versteesdemech vun der Roll vum Bierger a sengen Fräiheeten a Grondrechter am 21. Jorhonnert. Mir verstinn eis als déi éischt sozial-liberal Grondrechtspartei.